Ескерткіш 1967 жылы 9 мамырда Жеңіс күні ашылды, Денисов  ауылы саябағының алдындағы алаңда орналасқан. Мемориалдың орталық бөлігінде бетоннан жасалған биіктігі 2 метрге жуық жауынгердің толық бойымен  мүсіні орнатылған. Жауынгер әскери формада желбегей жамылған  шапан киген,  сол қолын  төмен түсіріп  автомат  ұстаған, оң қолын артқа қарай сілтеп тұр.

 Мүсін мәрмәр тақтамен  қапталған,  биіктігі шамамен  2 метр  болатын бір сатылы бетон тұғырға орнатылған. Тұғырдың астында бетоннан жасалған екі симметриялы тақталар  көлденеңінен орналасқан, оларға Отан соғысы ордені мен Жеңіс орденінің макеттері орнатылған. Қабырғалардың төменгі бөлігінің  екі жағында 24 мәрмәр тақта  орналасқан, онда Ұлы Отан соғысы жылдары  қайтыс болған Денисов ауданы тұрғындарының 1064 тегі қашалып жазылған.

Ескерткіш мерзімі: 1967 жыл